தென்னாபிரிக்க கிரிக்கெட் அணியின் முன்னணி துடுப்பாட்ட வீரரான ஹசீம் அம்லா கடந்த சில போட்டிகளில் ஓட்டங்களைக் குவிக்கமுடியாமல் தடுமாறி வருவது கவலை அளிப்பதாக அந்த அணியின் பயிற்சியாளர் ரசல் டோமிங்கோ கூறியுள்ளார். இது குறித்து தெ.ஆ. பயிற்சியாளர் ரசல் டோமிங்கோ கூறியதாவது: 32 வயதான அனுபவம் வாய்ந்த துடுப்பாட்ட வீரர் அம்லா, இந்திய தொடரில் ஓட்டங்களைக் குவிக்க முடியாமல் தடுமாறுவது கவலை அளிக்கிறது. இவர் இதுவரை நடந்த போட்டிகளில் மொத்தம் 128 ஓட்டங்களைத் தான் பெற்றுள்ளார். அவர் மிகப்பெரிய வீரர். டெஸ்ட் தொடரில் அவர் பிரகாசிப்பார் என நம்புகிறேன் என்றார்.
